Jumaat, 21 Jun 2013

Warna-warni bunga di taman.


Rajin Raziqin siram bunga hehe pagi-pagi alum mandi lagi udah ya menyiram bunga.  Sekalinya rajin jua tu.  Sebelum ani abis aing disimburnya pakai hos.

Sudah berumah baru ani pandai tia kami membali bunga, tanah dan anak buah.  Nasib baik kawasan kami tinggal ada yang berjual-jual bunga, tanah masak dan lain-lain.  Aku apa lagi pilih bunga yang sudah besar dan lebat bunganya hehe nda batah menunggu banyak bunga.  Bunga kertas sepasu ada yang berharga $25.00. Anak bunga siantan sepelastik kecil $3.00, kalau hendak buat bunga pagar sepanjang 'driveway' haruslah banyak lebih dari 10!  Baru ku tau mahal jua harga bunga-bunga ani.  Tapi kan membari bisai halaman tepaksa tah mengeluarkan duit jua kan.  Baru ada warna-warni dihadapan rumah.

Tapi kalau mahal banar tepaksa minta dari mama saja lah jawabnya nanti hehehehe.

Tiada ulasan:

Catat Ulasan